Կանխատեսվում է, որ ծալովի iPhone Ultra-ի միջին արժեքը կկազմի 2550 դոլար

International Data Corporation (IDC)-ի նոր զեկույցի համաձայն՝ Apple-ի սպասվող ծալովի iPhone Ultra-ի միջին վաճառքի գինը կարող է կազմել 2550 դոլար։ Թեև սկզբնական գինը, ըստ կանխատեսումների, կգերազանցի 2000 դոլարը, հիշողության ավելի մեծ ծավալով կոնֆիգուրացիաները կբարձրացնեն միջին արժեքը։ Չնայած բարձր գնին՝ վերլուծաբանները կանխատեսում են, որ սարքը շուկայական մեծ հաջողություն կունենա. մինչև 2027 թվականի վերջը ակնկալվում է վաճառել ավելի քան 17 միլիոն միավոր։ IDC-ն նշում է, որ Apple-ի մուտքը ծալովի սարքերի շուկա էապես կփոխի ոլորտի զարգացման ուղղությունը՝ մարտահրավեր նետելով Samsung-ին և Huawei-ին։ Ընկերությունը կանխատեսում է, որ iPhone Ultra-ն կդառնա բջջային սեկտորի աճի հիմնական շարժիչ ուժը մինչև 2026 թվականը՝ օգնելով մեղմել համաշխարհային հիշողության դեֆիցիտով և ծախսերի աճով պայմանավորված ոլորտային անկումը։