13 կգ մաքուր ոսկուց պատրաստված մինի համակարգիչն արժե 1.7 միլիոն դոլար

Եվրոպական Kubb արտադրողը ներկայացրել է իր առանց հովացուցիչի (fanless) մինի համակարգչի գերշքեղ տարբերակը, որն ամբողջությամբ պատրաստված է 13 կգ 24-կարատանոց ոսկուց։ Մասնավոր պատվերով ստեղծված սարքի արժեքը կազմում է մոտ 1.7 միլիոն դոլար։ Բացի հարստության ցուցադրումից, ոսկյա պատյանը նաև գործնական նշանակություն ունի. ոսկին ունի մոտ 30%-ով ավելի լավ ջերմահաղորդականություն, քան սովորական ալյումինը, ինչը բարելավում է համակարգչի պասիվ հովացումը։ Թեև գինը չափազանց բարձր է, փորձագետները նշում են, որ այս գնումը կարելի է դիտարկել նաև որպես թանկարժեք մետաղներում կատարված ներդրում։ Համակարգիչը պահպանում է ստանդարտ մոդելի 120 մմ խորանարդի ձևաչափը և կարող է համալրվել Intel Core Ultra կամ AMD Ryzen AI պրոցեսորներով՝ դառնալով շքեղ զարդի և բարձր արդյունավետությամբ համակարգչային սարքավորման եզակի համադրություն։