Դավիթ Թադևոսյանը հանդիպել է ԱՏՁՄ խորհրդի և ռազմավարական անդամների հետ

ՀՀ բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը «Նախաճաշ նախարարի հետ» ձևաչափով հանդիպել է Առաջատար տեխնոլոգիաների ձեռնարկությունների միության (ԱՏՁՄ) ներկայացուցիչների հետ։ Հանդիպմանը քննարկվել են Հայաստանի տեխնոլոգիական ոլորտի զարգացման առաջնահերթությունները, ներդրումային միջավայրի կանխատեսելիության բարձրացումը և մարդկային կապիտալի զարգացման հարցերը։ Նախարարը կարևորել է պետություն-մասնավոր հատված կառուցողական երկխոսությունը՝ նշելով, որ ոլորտային քաղաքականության արդյունավետությունը մեծապես կախված է տեխնոլոգիական համայնքի առաջարկների ներառումից։ Կողմերը նաև անդրադարձել են միջազգային համագործակցության ընդլայնմանը և առաջիկա համատեղ նախաձեռնություններին։ Դավիթ Թադևոսյանը շեշտել է, որ նման հանդիպումները հնարավորություն են տալիս անմիջականորեն լսել ոլորտի մարտահրավերները և համատեղ մշակել զարգացման նոր ուղիներ՝ ապահովելով ոլորտի կայուն առաջընթացը։